Snoukies Houkie deel 3

Z’ak veurige week zundag in de kantiene, waar’n d’r van die biedehanten dei eerder in’t bestuur hadd’n zeet’n, wol’n ze die invalgrens van teerste omkoop’n mit hamburgers en bier, hij van die gokboudel van eerder Piko of zo was d’r ook bie, soam’n mit die slager van de hoofdstroat en nog wat aandere luu, ook die boer van Sellnerstroat, mos dei nait op ’t laand weez’n, normoal h’et hai et altied te drok, moal noar kapper goan, sol goud veur hom weez’n.

‘K heb genoot’n van de jongens van teerste, moss’n teeg’n ploug oet Stad, witte shirt’s mitn’vogel dr’op. Dat aine ventje in’t midd’n, dei was goud, die vaarde doelpunt kwam van hom, geweldig man, is dat nait aine van die laider van de aajunioren, was eerder veul dikker, moar kheurde dat e dikke verkeer’n het, dus de kieloos vlaig’n drof, woort ’t aal nait goud veur is, die vrouluu! Mor hou komm hai aan die poote in’t gips, is hai van kaaste ofvall’n, wol hai veur Zorro speul’n????

Stai ik vandoage op t’laand noar kwoajongens te kieken, zug ik aine nogal dik oetgevall’n kerel loop’n in t’midden, zwaart jassie aan,geft veurdoul aan deur mit zien hand’n bienoa het gras aan te roak’n, hei dei scheids bedoul ik, is ain van de vaste vrijwulliggers dei oonze verain d’r deur sleep’n, soam’n mit die aandere vent, zo’n leutje dun ventje, rood jassie aan, kröstt Traopel deur in ain Fordje, Rosco heur ik ze aal roup’n, zien Pa fiets heul Traopel tegenwoordig deur, is schienboar postbode word’n.

De wichter van ons kluppie, hebb’n vandoage ook won’n. Ain nul van DSC’65, kraig’n goedkoope pennel, die scheids wol ze schienboar wat tou. Ik kwam hom teeg’n., stonk ’t uut, hat ain hessie aan, d’r kwam ain geur of, ’t leek wel of hai zo bie de zwien’n weg kwam.

K’heb nait te veul heurt dizze week, ’t loopt schienboar in de goat’n da’k ter rondloop op veld, zolt uut lekt weed’n? Mörg’n even noar Stad tou, noar die roomsen in Stad, Amacitia Ve-em-see. Roomse poep’n ploug, zoll’n ze ain kruusie sloan veur de wedstried, oons jongens goan mit’n bus d’r noa tou, krieg’n ster alluures, vrouger moss’n wie op fietse. Was ook wel goud veur die laider van teerste, die Herman, word aal dikker, zeker last van de kriesus bie Nijboer op Knoal, heule dag ain beetje zitt’n op de kont.

Snouk stop’t dr mit, tot snouks!

Snoukie.

Comments are closed.