Snoukies Houkie deel 6

Moi’n dokter, wat ’n volk ofgeloop’n zundag, machtig of nait! Die jonge bliksoms van teerste, won’n hom eev’n mooi, van die dopdassies uut Musselkanoal. Bie die eerste kool, sprong die laider van teerste zo hoog de lucht in en landde zo zwaor op de grond, dat nait allein de middenstippe aanvult mos worden, ook de buurt van de dukoud is aan vervanging tou, ain dikke koele mienjong.

Noa de wedstried, ain gezelluge boudel in de kantiene, ik kwam doar aal prominent’n teeg’n. Die veurzitter, dei was helemaol in zien element, hei zee dat e moar twei flesjes bier hat opzoop’n, volgens mie mot hai weer noar schoul, hei kin helemoal nait tell’n, ik zeg nait houveul ‘tr waar’n, moar meer als twei en ’t kon nait op ain haand, verder zeg ik niks!

Wel kwaam ik d’r nog meer teeg’n, joa man, Haanstra is de naam zee hai teeg’n mie, hei wil zug verkiesboar stell’n bie de leed’n vergoadering, wat hai doun wil, iets mit sent’n, sol hei die Bukk’n dr oet will’n waark’n?

Ook teerste van de zoaterdag het wonn’n, aine van Seta, zit nog mit kopzere en gekneusde ribb’n in hoes volgens mie, die dikke kieper van Troapel, dei kwam oet zien doel, dei blinde in t’zwaart, hei was trouw’ns in ’t geel, zag d’r niks in, hai mot moar noar spekseevers goan, din had e kinn’n zain, dat dikke Boes, iest aanders dee als allein oetkomm’n, wat ’n knal. Zien bruir voetbalt ook in teerste, nou dei was eev’n veur de keutel te duur, Dennie of zo hait e, is d’r gain ploats bie ’t weide, want ik heurde dat dei aal moar ofzegg’n, te wainug speulers heurde ik, dit mot veraandren luu! Oh joa, Rudie bist gout bezig man, ’t mag zegt word’n!!!

Din de eetjes, man,man,man, eeeaine bedoul ik din, ze hebb’n wonn bie Actief in Potjewol, gefelisiteerd jongeluu, dei van Boer Scholte, joa hei dei noar kapper west het, zien zeun Ben junior, schoot eerste aine in aig’n doel en doarnoa de winnende, geweldig. Ook die puutjeplakker van die visser van Teroapelkanoal, Klaas Oost, mooi mienjong heur dat ze wonn’n hebb’n, kwos nooit dast toe ook treener wast, van wel hest dat leert, zeeker van Markie, die laange uut Musselkanoal, was dei eigenlijk wel bie teerste te kiek’n, zat hei in de bosjes te loer’n , schoamde hei zug veur die luu of zoo!!!!!!!

Wat zag ik en heurde ik nog meer, vrouw Muldertje, die vriendin van die dikke Ramon uut teerste, het heur dikke toone brook’n, hou’t kwam, wol gewoon ain baale wegschopp’n, vrumd dog ik, has ze gain schoun’n aan! T’mooie hier van is, dat die dikke Ramon, nou eev’n t’ heule hoesholl’n d’r bie mot doun, wait hei ook eev’n wat wichter aal doun in hoes, kin hei van dat haarde waark’n ofvall’n, word hai nog sneller, hei was wel weer goud heur ofgeloop’n zundag, die Ramon!

Wat is dr aigenlieks mit dat waarm wotter, in de klaidkoamers, is de rekening nait betoald of zo!!! Mit dat nei siesteem, automoatiese aan en oet, mooi siesteem heur, allein mor oet zeek’r, komt zlefs gain kold wotter, ze goan weer smerug noar hoes, wat zoll’n ze stink’n onderweegn’s.

Snoukie.

Comments are closed.