Snoukies Houkie deel 11

Nou lest hak zegt, dat je mie veur analiesses kon’n bell’n, tarief vieftug guld’n, nou die Loek van teerste het mie belt, of ik eev’n wol analieseren, de wedstried teeg’n Leew’nborg. Noa dat ik van teveuren die vieftug guld’n op mien reek’n hak kreeg’n, hier de analiese.( het mog ploats word’n op de zait)

T’ging al vanaf de bus nait goud, dus die bussjaffeur, zal ik ook opneem’n in mien analiese. Vertrek mit de bus, haalf twaalf, doe liebe Anton, wat ain tied, normoal mot ik soep eten op zundag. Ik stoa doar te kleum’n, gain bus, hei mit zien duur jassie aan, Meind bedoul ik, t’mot wat liek’n nait woar, kommt mie mitdailn, dat Sander zien bus zunder stroom zit, t’wordt wat loater.

1145 uur, bus is d’r, wie ried’n noar stad tou en noa dat ik midd’n in ain woonwiek d’r uut mot, om over gevoarlieke konstrukties bie ain voetbalkantiene aankom, plof ik neer in de bestuurskoamer, Meind har vroagt of ik mit ging, kon ik groatis koffie zoep’n, haha, oh ja, die Sander (sjaffeur) kriegt veur aal het ongemak ain zeuven

Afein, die jongens ging’n zug om klaid’n en zug waarm trapp’n, om uuteindeliek om twei uur te begun’n. Het ging geliek al slegt, t’was van dat plasticgras mit autoband’n de deur. Paasjes kwaamen lang nait aan, ze waar’n nait schaarp, ze ston’n te voetballn as natte krant’n. Ze leek’n mie zo van, wel dut oons wat, wie stoan bovenaan, die aanderen waarn mit 8 jongens van teerste, de rest van de overige senioorn. Het valt mie overigens op dat ik dit de loatste tied wel voaker heur en zai, gemakzucht daint de mens, ze denken schienboar, “woar gain wil is, is ook gain weg”

Jongens” joe kin’n wel bovenaan stoan, hol joe schoun’n aan, nait d’r noast goan loop’n.”

Doel:
Braien, was weer goud, gain zilver ain vette aagte.
Van regts noar links agterin:
Ben(leutjevent), ain zeuv’n, moar blief oplett’n, blief schaarp, ain zeuv’n
Slimmie, gait mooi, he’t veul te drok privé, balans zuik’n, ain zessie.
Fredje, was af en tou slordig, mor t’gait op roetiene, ain dikke zesse
Die slager Dennis, was ain van de besten, zuunig en solide, ain aagte.
Midden, van links noar regts, aans kinn’k et nait ontholl’n
Dijkie, t’ging, t’gait, ain zessie.
Blond uut Winschoot’n, schoot wel, moar nait tussen de poal’n, ain zesenhaalve.
Trekkermulder, t’kon minder moar veul beter, ain zesse
Hoane, draaide,kapte, kapte, kapte, glee uut, draaide, kapte, ain leutje zessie.
Veurin:
Kiwideschaarpschutter, schoot ain keer mit schaarp, ain zeuv’n
Autopoetser, t komt wel goud, geduld hebb’n, ain klain zeuvnpie.

Wissels:
Stille wind uut Scheem, nait laang speult, dee niks fout, te kört veur’n siever.
Tom uut de A’s, dee zien best, goud miejong heur, ook te kort veur’n siever.
T’is maikelnait, inderdoad “nait”,wat baggerslegt, mot zien snoete holl’n en nait al tegenstanders neerlegg’n, bist ain aanvaller, tweide loert op tie, ain vaare!

Snoukie.

Comments are closed.