Snoukies Houkie deel 10

T’Gait mooi, bie ’t vlaggeschip, moar nait zo mooi bie de koartverkopers. Dei ollegies word’n schienboar bedreigd deur ain veurmoalig bestuurslid, dei van doev’n holt. Hei het vroagt of hei ook de winn’de nummers kin krieg’n, zo nait, din zwaait t’r wat. De volgende toeswedstried komt de pelitsie kiek’n om hom mogeliek te arresteer’n.

K’heurde ook ain nei stukkie, as je in ons jeugdstadion over ‘t omgespitte veldje kiek’n, zug’n joe dat er nog doelgebied’n van vrouger(Kloostertied), hou dat komt? Schienboar van carboleum, zo deed’n ze dat vrouger inbrand’n,inbrand’n van de lien’n, dus as je joe modder veurtoes omspitt’n, dat grond achtertoes neerlegg’n, zug je veurtoes wat d’r leeg’n het, snap’n joe t’nog ik nait, de veursitter wel, dei het ain mooie teorie!!!!

Wel zag ik ook weer, Andries, de scout van Troapel en omstreken, het dee mie gout hom weer te zain, hei het ain tiedje op berre leeg’n, mor voulde zug zo goud dat hai kwam kiek’n bie de jongens van Troapleaine, staarkte de kommnde tied Andries.

Ofgeloopn zoterdag was’t nait best op onze velden, je verzoop’n d’r zo wat, wat ain rommel, dat was nou mooi eev’n de gelegenhaid west om die rommel om de kantiene op te roem’n mit ain poar man, wat een zootje, ik donder bienoa over de kop mit mien fietse, lott’n ze die rommel ain keer oproemen, Wolter Potze het er wel belaang bie, dus as er weer ain voetballoze zoterdag is luu, kom op, ain poar aanhangers en de rommel is vot.

Din nog eev’n wat, he je ’t aal heurt, Lubbert van die iemen, hei is d’r flauw van dat onze jeugd zo’n rommel d’r van mokt in de kleidkoamers, hei wil’t nait langer schoon holl’n, de jeugd en de olluu mot’n d’r us eev’n over noa denk’n, t’bestuur wil de kleidkoamers aans sluut’n s ‘ovonds, kin die kwoajongens toes bie moeke rommel goan mokk’n, of die moekes doar wel zo bliede mit binn’n.

Wouk lest belt, ik nam mien grieze ptt telefoon op, wel was d’r veur, Kai, ik zee wel, Kai, ik zee ik ken gain Kai, hei mos lagg’n. Hei was van Troapel, of ik ook ain löt wol koop’n, van de televisie, de sponsorbingolöterei, ik zee ik heb helemaol gain televisie, dus kin ik ook nait kiek’n, nou din moss ik mor kieken op internet, ik zee wat, internet zee hai, ik begreep er niks van, hei zat mie aal uut te lagg’n, k ‘heb de hoorn d’r weer op gooit. Loater op ’t veld heurde ik dat ze ain aksie hadd’n had, kon je mooie priesen winn’n, ze hadd’n veur vaardoezend gulden verkogt, had’n ze mie moar belt, ha’k ook aine kogt!

K’heb weer ain uutneudiging kreeg’n, aankommende zundag noar Stad, weer mit aine bus, Leeuwenborg, mot teerste tegen, zeker geele shirts mit hoar d’r op, Leeuwenborg, hou komm’n ze d’r op, nou wie binn’n nait bange van Leeuw’n, wie schait’n mit schaarp, en onze joager en schutter is oons Martin. D’r is nait veur niks ain spreekwoord, “beter ain kiewiet in ’t veld, dan d’r zunder”

Tot zundag, bus mot vol!

Snoukie.

Comments are closed.