Snoukies Houkie deel 9

Mien laive tiedpot, de heule week niks aans heurt as over die wedstried dei nait deurging, wat ain gesoes, joa t’hat mott’n deurgoan, joa dat snap ik ook, alsof dei konsul et ekspres dut, is d’r niks belangriekers as ain wedstried dei nait deurgait, vroag dat mor eev’n aan die Wilders, straks het oons konsul ook ain dubbele paspoort, kin hei ook opdonder’n!

Din dit, het gevoul van winn’n, nou dat was zoterdag het gevoul heur, eerst die kienderspul van eeeeeaine, wonn’n hem ook eev’n van Helpman oet Stad, je binn’n goud beezig bie eeeeaine, kompliment’n aan Mark, Klaas en de kiender, of soll’t leeg’n hebb’n aan de ofweezigheid van Boer Scholte, as dat zo is, kinn e beeter wegbliev’n, haha!

Din de wigtertjes van die gruinteboer van de Jumbo, hei treent die wigter, dut hei soam’n mit die laange van Hooiveld, Sharon. Asof t’eev’n niks is, dartien nul won’n van die kloetjeskleiers van SPW, geweldug heur wichtertjes, grounteboer en Sharon, mien kompliment’n.

Ze vruig’n mie ook of ik ook eev’n van zundagtwei ain analiese wol mokk’n, nou zundagmurg’n, ik veur dag en dau op, ‘kwas d’r ain haalf uur, analieseren? Nou, doar begun ik nait aan, as ik siefers mot geev’n, allein die kieper, hoolt ain zesse, de rest kinn d’r mor over noadenk’n, ongeleufliek wat ain boudel, hebb’n ze dat op ain rommelmaarkt bie mekoar veegt? Mien advies, koop ain spaigel van 15 meter braid, kiek d’r mor in, din schrik je mooi, de wiend mot d’r onder, straftraining, vrouger in mien tied, twei week’n nait teeg’n de trainer en leider proat’n en papier prikk’n mit zoon stokke mit ain spieker d’r aan, ik wos t’wel!

Omdat ik d’r tog aal was, wui ik oetneudigt om in Stad te komm’n kiek’n, teerste teeg’n Heplman of vrouw, zoiets! Ik zee, is dat ver fiets’n, nee dat hof nait, ik mog mit in de bus, bus? Joa bus, ston ze boov’n aan, mot ze mit ain bus, ain meroakel mooie bus ook eev’n. Nou ik in die bus, mog veur in, kon ik alles zain, volgens mie was dat omdat ik aans al die verhoal’n van die jongens mit sol krieg’n, wat ze op zoterdagoavond aans uut spook’n. Mor goud, zit ik noast die strieker Haarm, “ mooi man”, zee hai, hai begon geliek over hou’t vrouger aal ging, hou hei op ain Berinni( ain plof), al in weer en wiend agter ’t voetbal aan ging, wat ain gesoes, ‘kwas bliede dat we in Stad waar’n.

Nou t’was twei uur, wedstried begon, wat slegt, t’was alsof die jongens wat zeen’n in de pense hadd’n, in de tweide helft, ging ’t beter, ze wonn mit drei-aine, mor t’was nait best, teamprestoatie ain klein zessie, wel d’r boov’n oet stak, nou dat was duudeliek, Brai-en, de kieper, meroakelse reddingen, mit haart en ziel smeet hai zug d’r veur, de helpmannen en vrouwen woll’n hom wel kwait nait wat doun, moar Brai-en was ooonze man, ain neeg’n Brai-en heur, ain dikke vette! Hou de raise trugge was, Jupiler!, wat t’was waik nait, mor smuik best, kolle tee of zoo!

Nou luu, aankommnde zoterdag en zundag noar onze akkomedoasie, lot van joe heurn, van effvaare tot teerste van de zoterdag, van de wigtertjes tot teerste van de zundag, “Troapel het gait meroakel!

Snoukie ( veeur analieses, vaste pries, vieftug guld’n)

Comments are closed.